रसिक गायक खेमराज गुरुङ रहेनन्…

khemraj

‘वारि जमुना पारि जमुना..’ ‘आलुतामाले’, ‘बेहाल भयो जिन्दगी यो’ ,’धराने बजार’ आदि लगायत चर्चित गीतका गायक चर्चित गायक खेमराज गुरुङको ४२ वर्षको उमेरमा निधन भएको छ ।

केही समयदेखि जन्डिसबाट पीडित गुरुङ करिब एक हप्ताअघि अस्पताल भर्ना भएका थिए। उनको कलेजोमा गम्भीर समस्या रहेको चिकित्सकहरुले बताएका थिए । चिकित्सकको सल्लाहअनुसार उनलाई बिहिबार एयर एम्बुलेन्सबाट उपचारका लागि भारत लैजाने तयारी गरिएको थियो तर बिहान नाकबाट रगत बगी एक्कासी अचेत भएपछि उनलाई चाबहिलस्थित मेडिकेयर अस्पतालको भेन्टिलेटरमा राखिएको थियो ।

गायक गुरुङको मृत्युको मूल कारण मदिरा सेवन बताइएको छ, लामो समयदेखि अत्यधिक मात्रामा मादक पदार्थ सेवन गर्ने गुरुङलाई रक्सी छोडाउनका लागि सुधार केन्द्रमा समेत लगिएको बताइन्छ ।

गायक गुरुङका जीवन, जीवन–२, अनमोल, धरान–पोखरा, सोल्टी, आलुतामा, ढाक्रे र घुमफिर एल्बम निस्किएका छन् ।

संखुवासभा थात थलो भएका खेमराज गुरुङ  रसिक पूर्वेली भाकाका गीत गाउन माहिर थिए, स्टेज  पर्फमेन्समा विशेष जम्ने गुरुङ उनका गीतहरुको कारण नेपाली संगीतमा उनी चीर स्मरणीय रहनेछन् ; हत्तेरी डटकमको हार्दिक श्रध्दाञ्जली तथा शोक सन्तप्त परिवारजनमा हार्दिक समवेदना !

https://www.youtube.com/watch?v=s0AeZZI68o8

 

 

 

 

This entry was posted in Nepal, News. Bookmark the permalink.

Leave a Reply

Your email address will not be published. Required fields are marked *