देशी विदेशीहरु माझ हङकङमा मञ्जुश्री प्रस्तुत हुने

उसै त अङ्ग्रेजीलाई माध्यम भाषा बनाएर साहित्य लेख्ने नेपाली लेखक लेखिकाहरु औंलामा गन्न सकिने छन् भने त्यसमा पनि ख्याती कमाएकाहरु असाध्यै कम छन् ।
विश्व साहित्यमा नेपाललाई उभ्याउन सफल थोरै नामहरुमा एक नाम मञ्जुश्री थापा हो ।

नेपालमा जन्मेर क्यानडा र अमेरिकामा पढाई गरेकी मञ्जुश्री थापाले नेपाली जनजीवनका कथाहरुलाई टिपेर अङ्ग्रेजीमा लेखी अन्तराष्ट्रिय मुद्दा बनाउने प्रयास गरेकी छिन् । हालसम्म उनका ४ आख्यान विधाका पुस्तक प्रकाशित छन् भने गैर-आख्यानका ४ र अनुवादका ३ कृति प्रकाशित छन् । क्यानडालाई आफ्नो बसोबास थलो बनाएकी थापा नेपाल र नेपाली साहित्यलाई माया गर्ने लेखिका हुन् । उनका लेखन र अभिब्यक्तिहरु महिला र सीमान्तकृतहरुको पक्षमा रहने गरेको पाइन्छ ।

राजा ज्ञानेन्द्रले शासन सत्ता आफ्नो हातमा लिएको बेला उनले लेखेको Forget Kathmandu: An Elegy for Democracy (2005) साहसिक कृति मानिन्छ, जसले नेपालको वास्तविक स्थिति विश्व सामु राखेको थियो । स्व. इन्द्रबहादुर राई को “आज रमिता छ” लाई सन २०१७ मा अङ्ग्रेजीमा अनुवाद गरेर पेन अमेरिका ट्रान्सलेसन पुरस्कार प्राप्त गरेकी थापालाई पेन हङकङले दुई कार्यक्रममा सहभागी हुन हङकङ आमन्त्रित गरेको छ ।

देशी विदेशी लेखकहरु माझ हाम्रो आफ्नो लेखिका प्रस्तुत हुने कार्यक्रममा तपाईं हामी पनि सहभागी हुन जाने कि?
आयोजकले जानकारी दिए अनुसार प्रवेश निःशुल्क रहने उनका कार्यक्रमहरु निम्न रहनेछन् ;

 

1. Title : IN OUR OWN LIVES: WOMEN’S RIGHTS (मञ्जुश्री थापाका कृति वाचन कार्यक्रम)
Date: Tuesday 27 November 2018
Time: 7:30 – 9:00 p.m.
Venue: Swing A Cat (Rear Shop, G/F, 241 To Kwa Wan Road, Kowloon, Hong Kong)
Speakers: Manjushree Thapa, Gina Marchetti, Ilaria Maria Sala and Jessica Yeung

 

2. Title : The Inner Life – How Fiction Illuminates Human Rights (मञ्जुश्री थापाद्वारा प्रवचन कार्यक्रम)
Date: Wednesday 28 November 2018
Time: 7 – 8:30p.m.
Venue: Wang Gungwu Theatre, Graduate House, HKU

This entry was posted in Hong Kong, News. Bookmark the permalink.

One Response to देशी विदेशीहरु माझ हङकङमा मञ्जुश्री प्रस्तुत हुने

  1. It is in reality a nice and helpful piece of info. I’m happy that you simply shared this
    useful info with us. Please stay us informed like this.
    Thank you for sharing.

Leave a Reply

Your email address will not be published. Required fields are marked *