ज्ञान र कलाको ‘झरना झरी’

हङकङबाट युके बसाइँ सरेपछि संगीत क्षेत्रबाट लगभग टाढिएकी गायिका कला चेम्जोङले हङकङमै रहेका गायक ज्ञान सुब्बासँगको युगल गायनमा रहेको गीत ‘झरना झरी’ को म्युजिक भिडियोबाट संगीत क्षेत्रमा पुनरागमन गरेकी छिन् । हालै सार्वजनिक भएको उक्त म्युजिक भिडियोमा पोषराज दाहालको शब्द र साज सिंहको संगीतमा रहेको छ । मिन बिष्टको मिक्सिङ र मास्टरिङ गरेको यस गीतलाई चाँद सिंहले म्युजिक एरेन्ज गरेका छन् ।

निकै रोमान्टिक भावको यस गीतको म्युजिक भिडियोमा चर्चित मोडल निराजन प्रधान र निराञ्जली लामाको अभिनय रहेको छ भने यस गीतको म्युजिक भिडियोलाई सोनाम पाख्रिनले आकर्षक तरिकाले निर्देशन गरी तैयार गरेका छन् । उत्सव दाहालको छायाँकन र सुशील न्यौपानेको सम्पादन रहेको यस गीतको म्युजिक भिडीयोलाई महेनध्वज खाँडले निर्माण गरेका हुन् ।

कला युके जानु पूर्व हिमालय टोन्सको स्टुडियोमा गायक-गायिकाले स्वराङ्कन गरेकोले यस गीतलाई पूर्ण रुपमा कलाको पुनरागमनै मान्न त नसकिएला तर यस गीतको रिलिजसँगै उनले नयाँ सांगीतिक कोसेलीहरु पस्किने कुरामा आशावादी हुन सकिन्छ । गायक ज्ञान सुब्बाले भने गत ६ महिनामा ७ गीत रिलिज गरिसकेको बताउँछन् र चाँडै अडियो सि डी हरु रिलिज गर्ने तैयारीमा रहेको बताउँछन् ।

This entry was posted in Arts & Entertainment. Bookmark the permalink.

Leave a Reply

Your email address will not be published. Required fields are marked *